返回 健康 2018-08-04 07:00:00 柴醫鬆一鬆: 李廣冀醫師 古代VS.現代 分享： 柴醫診療時盡量用詞文雅，略帶古風，希望披唇(patient，病人)感到中醫師有傳統文化素養。 圍村竹野內豐嚟看病，外貌英俊，身型健碩。 竹野披唇：柴醫，我呢排腰好酸痛，唔知係咪搞得嘢多。 柴醫：搞乜嘢啊？ 竹野披唇大大聲講：做愛啊！醫師！ 柴醫十分尷尬，尷尬不是因為提及性事，而是竟然意會唔到搞嘢代表房事，可能是個腦去了古代。 柴醫：腰者腎也，幫你補補腎吧，減少房事。 竹野披唇：醫師，你好文雅啊！ 柴醫：係啊，你幾耐出恭一次？ 竹野披唇：醫師，你嗡乜啊？
