見最近郭天王生咗件，即刻搵番首《愛的呼喚》嚟loop，後生嘅佢真係好鬼型(心心眼)！但我個心都係屬於小明der！(FYR是明福俠)
好啦講完廢話！話明「泰」的呼喚就當然係介紹泰國菜啦！位於金鐘嘅Apinara係集團Nara嘅姊妹餐廳，當年次次去親曼谷都一定要去Nara朝朝聖，你會發現10個排隊嘅9個都係香港人。不過，並唔係每間Nara都keep到水準，甚至3個月後再去又可能跌一跌watt。好在，香港呢間Apinara完全keep到，每次去都有驚喜！最近仲出埋周末下午茶，明搶樓上幾間酒店生意！$298兩位用，鹹點雖然係泰式小食拼盤，但佢個Chor-Moung同Jeeb-Nok就大有來頭，屬皇室糕點，賣相精緻之餘食落係好味！好難得！(通常睇得唔食得嘛！)而泰式魚餅又係自己手打，厚身到好似零成本咁！(你一定會再side order一碟囉信我)加埋個泰式奶茶棉花冰同芒果糯米飯，包你飽住走！
Apinara 3107 1888