由細到大，每次接觸新認識嘅人，我都會好容易發挖到人哋比較不完善嘅一面。就算一個人表面再光鮮亮麗，我都會輕易找到他人身上嘅弱點。而我一路以來都以此為傲，甚至將呢種可以一眼睇穿其他人嘅視覺視為一種才能，沾沾自喜。
可是呢種「才能」並沒有令我變得快樂。隨著年紀愈來愈大，撞板次數愈來愈多，我開始學懂去選擇看一個人所有嘅優點。怪責人之前，自己會先嘗試去了解件事。例如面對別人嘅無禮，我生氣之前會想像可能佢當日係咪遇到咩倒霉事。一個人貪小便宜？或者其實佢家庭環境不盡理想？成為他人口中嘅是是非非，心想可能是他們無聊吧？可能自己是有做得不足之處，但反正人夾人，友誼這件事本來就不能強求。久而久之，我發覺其實個世界原來並唔係我想像中咁壞，過得比以前快樂不少，人生亦從此順暢很多。
有句老生常談講得好：「聰明是一種天賦，而善良是一種選擇(Cleverness is a gift, kindness is a choice.)」似乎要睇穿一個人再落井下石唔難，難嘅係睇穿後去諒解。
但願大家在呢個光怪陸離嘅社會仍然會看到人性美嘅一面，環境愈黑暗就愈要成為嗰一點光，照亮埋其他人。別忘了心裡要有愛啊，希望你接下來遇到的都會是善良的人和事，Happy Monday！
