路經擺花街，或者會被霓虹招牌「李好味」所吸引，望埋個英文名LEE Lo Mei，真係忍唔住笑咗出嚟！(嗱，讀還讀，咪大大聲對住慈母講啊下)。餐廳主打地道而地踎嘅小菜，菜名亦十分盞鬼，屬港人獨有文化。
名為正粉腸•腸粉正($138) 嘅小點，係包有慢煮雞肉、鵝肝同黑松露嘅蒸腸粉；而「賣飛佛」鹹鹹濕濕豬頭炳煲仔飯($228)，實情係以豬頭肉製成嘅香腸，配以自製甜豉油嘅煲仔飯，由於香腸口感較濕潤，鹹香味美，因此有「鹹鹹濕濕」之稱。其他經改良嘅懷舊風味菜，均充滿特色。想試多幾個餸，真係要叫多幾個朋友去，一來佢啲份量非常大方，碟碟都好大堆頭；二來真係好多嘢食都好吸引，想一次過叫晒！嘿嘿！
香港中環擺花街8號地下及一樓 2896 7688
鹹鹹濕濕豬頭炳煲仔飯($228)
正粉腸•腸粉正($138)