由1840年代推行嘅單獨房間，到1845年增添集體囚禁並擴建，而且華人、西人分開囚禁。
雖然「南京條約」簽定於1842年，大清政府將香港島永久割讓予英國。但其實早於一年多前，英軍早已攻佔並為小島起了一個全新的名字——City of Victoria。
域多利監獄建於香港開埠之1841年。
為咗紀念當時在位嘅女皇Alexandrina Victoria，「維多利亞」一字開始相繼在當時代嘅城市中央之Central出現，如中央監獄Victoria Prison、街道Queen Victoria Street同之後1897年嘅Victoria Road等等。當然維多利亞公園同埋女性服飾Victoria’s Secret，當時都係未有㗎啦！
一磚一瓦，古舊優雅
「維多利亞」一字叫慣叫熟，滲透著一份古典嘅優雅。不過香港早期唔係用呢個譯音，而係較為市井感覺的「域多利」，尤其過百年歷史嘅域多利監獄，置身於周圍高樓大廈的SOHO區當中，磚牆殘舊又鐵網重重，一啲都唔似中環嘅高檔。
英人侵佔及統治香港初期，中環作為核心地段，沿海地方為商業靚地由西人買起；金鐘發展作軍事用途，西環則為屠房及焚化爐等厭惡性設施。為管理和治安嘅需要，中環山腰一帶則劃為政府要塞，所以總督府、軍營、警署和監獄等，都係建於斜坡。
如要追溯歷史，香港開埠初期的建築，盡在於此。尤其於1995年被列為香港法定古蹟嘅「中區警署建築群」，當中包括舊中區警署、前中央裁判司署與及舊域多利監獄，正好代表香港法治機構嘅歷史發展。
為管理需要，中環山腰一帶則劃為政府要塞，所以總督府、軍營、警署和監獄等。
囚禁犯人，擴建翻新
正所謂一國之立，在於人、地、法，英國佔領香港島後，隨即確立法紀以作管治，所以警署、裁判司辦公樓及監獄亦相連落成，提供高效率及一條龍服務。而為免走犯，監獄亦必須石砌。由1840年代推行嘅單獨房間，到1845年增添集體囚禁嘅擴建，華人西人嘅分開囚室，再到1853年增建小樓並設立刑具以懲罰犯人。而為配合分齡、分類囚禁政策，監獄於1893年大規模擴建，並於1899年改名為域多利監獄至今。
隨著年代的需要，監獄翻新和擴建，並且監獄署從1953年起實施「犯人工資計劃」，設立不同工場及洗衣房，亦是更新計劃的前身。甚至於八十年代香港成為越南難民第一收容港，所協助之越南船民和非法入境者，以及回歸後因居港權官司期間違反入境法例，而被羈留等候遣返人士之收容，再到2005年世界貿易組織部長級會議，所騰空作為羈留滋事者嘅倉位，均見域多利監獄配合香港發展的變遷。
更新轉變，建立未來
喺香港監禁係最嚴厲的刑罰，從過往嘅監獄署到現今嘅懲教署，為被羈押及在囚人士提供羈管之餘，亦有可改過自新的更生計劃，有如昔日的域多利監獄，於2006年退役後，可變為活化後之藝廊空間，再次融入社會。