Yan、Andy及Daniel(遠至近)。
因為太太生日，又外遊日本數天，去了大阪。我苦等了日本開關幾年，之前去歐洲去北美，仍然思念的就是日本。在大陸大通關之前，日本果然沒令人失望，跟以前一樣，又多嘢睇，又多嘢買，又多嘢食，又乾淨，又安全，又多廁所，仲要唔貴。在我上年一口氣去完這麼多國家後，還是覺得日本最好。
既然身在大阪，我就順路約了舊同事阿Yan(男人嚟，肥仔)、YouTuber大阪Andy哥和他們的老闆Daniel社長食飯聊天。我非常喜歡日本，去過日本幾十次，不過都是以遊客身份。所以能認識在當地工作甚至生了根的朋友，我就會好好奇，究竟日本其實是怎樣的？Daniel 16歲由香港飛去多倫多讀書，25歲去了日本發展，至今超過20年了。他說他成立自己的IT公司都十幾年，現在公司過百人，公司主要是日本人，但也有跟台灣人，大陸人，香港人都合作過。
「日本人永遠做足100分，一入職就交100分，不多不少，前提係你講清楚晒所有嘢，佢就跟足畀你；香港人叻在咩呢，你同佢解釋到30分，佢已經明，get到個意思，唔使講落去，最後會到交80分，但就永遠做唔到100分咁盡；大陸人呢，一開始交30分，要不斷督促，最後先俾到80分。」我一直好佩服日本人做事好盡，曾經聽朋友親口憶述，話有個廣告去日本找了日本crew拍，正式開拍前3日，他們已經在現場set燈，set了3日燈(在香港這是不可能的，set燈就是shoot前幾小時的事情)。日本之吸引，就是來自這種投入。
還有一件有趣的事情。Daniel社長說因為日本的利得稅太高了，很多公司賺錢，知道錢都是交稅給政府，所以不如常常用公司錢買車，一般公司的車兩三年一定換新，再有錢的公司會買飛機(的一部分，不是整部來買)然後出租給別人。
多得他們分享很多，但一餐飯的時間實在吸收得不夠，希望將來再多聊聊。