一個人食飯，有時真係好難諗。唔想頹食茶記，但一丁友走入餐廳又尷尷尬尬咁。位於銅鑼灣嘅Mother Of Pizzas，就係我平日被人放飛機後，單拖食飯嘅最佳選擇。Pizza店有一個開放式廚房，空間感十足，對正行人路，大家都可以透過玻璃望到入面嘅pizza製作過程。佢哋特別用意大利製嘅Wood Stone Oven，由於爐溫可高達800度，所以焗個pizza只需90秒。由order到上枱，拉麵團到出爐，真係5分鐘都搞得掂！店主Ricky開店前仲特登裸辭出國學整pizza。18吋紐約style大大件pizza，一件都已經好夠飽，加上銅鑼灣地段都只係賣$30左右，$30一餐喎！冇呃你！真係好多單身人士嚟呢度開餐，所以一條友嚟完成唔會老尷。下次俾人放飛機，咪嚟撞下見唔見到我囉！
Mother Of Pizzas
銅鑼灣禮頓道13-19號地舖
Mother Of Pizzas $298/13”，神秘餡料，要自己試過先知咩味。
意大利製Wood Stone Oven。
即叫即製，包脆邊！