早陣子電視放映「廉政行動」第一集非常收得，當中的故事好似話按「真實故事改編。」
聽榕樹頭街坊講；故事內容可能涉及二位前保險代理，好似話當年有一位醫生發夢都好想做「區議員」，由於之前選唔到，所以想盡辦法都要喺「大圍」參選，於是串謀二位好似話喺AIA做緊嘅agent (後轉AXA) 一齊想辦法去招呼啲街坊，搞甚麼「醫療講座」，又好似話打甚麼「預防針」.......等的「屎橋」來氹啲街坊。
「候選人」同個二位保險agent講，如果安排啲街坊打預防針，咁咪可以認識多啲街坊，就可以有更多機會銷售保險產品，於是兩位保險代理一聽到話有生意做，立即喺醫生的帶領下在其選區，擺晒counter 枱椅招呼啲街坊，又話可以打預防針又話可以有保險介紹，總之乜嘢橋都諗盡，為求達到做生意嘅目的不擇手段，最終因為整個過程涉嫌違反《選舉(舞弊及非法)行為》條例，跟住就俾「老廉」拘捕，仲要坐埋監添，大家諗下做保險做到要坐監，梗係唔值得啦！(老作費都蝕)
有話直說：九月四日喺立法會選舉，所以奉勸各位保險代理係選舉期間切勿諗住幫人哋選舉而做生意，分分鐘好似大圍嗰單案件咁樣，生意做唔到，跟住仲要蝕埋律師費，真係人財兩空，呢個故事俾大家引以為誡，作為借鏡之用等日後各位保險代理喺銷售保險的過程中，行正統嘅手法，唔好行埋啲旁門左道去幫啲「候選人」，再者候選人嗰啲法律常識都係比較落後，因為佢哋為咗選舉達到目的，好多時搵你地幫手助選，所以各位一定要醒目啲，唔好幫人唔到「蝕喳米」，仲要誤墮法網「得不償失！」
(免責聲明：以上所提供之所有資料僅供一般參考用途，不應視為專業及/或法律意見。任何人士在需要時應自行尋求適當之律師及/或專業人士之意見與指導)
首創保險 爆料平台 電郵即覆
email : [email protected]