消委會的《選擇》月刊一向備受消費者推崇，好似今期以食油測試報告做封面故事，詳列60款食油樣本的化驗結果，當中發現不少都含有塑化劑、污染物甚至致癌物，引起唔少關注。而《選擇》於今年書展再設攤位做推廣，原來每年《選擇》月刊的訂閱禮品都好受歡迎，總幹事黃鳳嫺(圖)對Ray講，今年禮品仲會加碼，簡直是貼身照顧讀者生活上的各個細節，包括沐浴套裝、迷彩雨傘套裝、日系多用途圍裙、雙人木碗套裝。訂閱網上版更會加送書展特有的全棉潔膚巾，唔會傷皮膚。想要以上禮品，書展期間可到消委會位於Hall 1D的D-A19號攤位。
講番個書展攤位，配合今年主題「給生活開一點玩笑」，首次以扭蛋機配合一套共8款的精緻襟章，希望透過輕鬆有趣的漫畫，為消費者帶來一點歡笑，襟章漫畫出現的物品，例如抽濕機、咖啡機、跑鞋等，全部都緊貼消費者的日常生活，亦是《選擇》月刊曾測試過的產品。