(圓圖)總會主席 陳幼南
香港「潮」人真不少，不過我今次係講真正潮屬人士，為咗凝聚全港百幾萬潮籍鄉親，推動及承傳潮汕文化，兼且慶祝香港回歸20周年，香港潮屬社團總會於下半年將有一系列大型活動，包括潮汕成人禮「出花園」、「盂蘭文化節」及「潮州節」等。Ray雖然唔係潮州人，但對潮州文化亦感興趣，特別係潮州美食。
總會主席 陳幼南 同Ray 講，暑假期間，各區會首次舉辦具潮州特色的潮汕成人禮「出花園」，意思係未成年的孩子就像是生活在花園裏一樣，等到其成年時(虛歲15歲)，就要將孩子「牽出花園」，表示其已成年能獨立生活，開始學會承擔，學懂感恩，儀式包括以鮮花水沐浴、穿上外婆送上的新衣裳和紅木屐等。而於9月1至3日，會在維園舉辦「盂蘭文化節」，重要項目包括搶孤競賽、親子盆供堆疊賽、盂蘭文化教材計劃等。到12月6至10日，於中環遮打花園會舉辦「潮州節」，集美食、文化、藝術於一爐。
總會副主席馬介欽則負責另一項重點工作，推行會員優惠卡，惠及轄下38個屬會及12萬會員、義工，佢話優惠卡亦與時俱進，除實體卡外，同時推出手機應用程式，日後一app在手，便可以享受百幾家商戶衣食住行的優惠。