做我們這類「斜槓人」，其中一個要面對的「日常」就是「無米粥」。前陣子，飛女的一位朋友J先生十萬火急打電話(對，話音傾談，在這世代真的很少見了)找我們「救命」。「弊喇弊喇，飛女姐你要救我……」原來J有一個薄具名聲的室內設計師客戶，急著要重新做過一份新的公司和個人簡介，一本近二百頁的「書仔」。J說：「個客要求好高嘅，他又要XXX，又要YYY，最好就ZZZ……個客份人呢又好嚴謹嘅……佢公司呢歐洲、大陸、日本都有業務，英、中繁簡、日語都要有齊……你明唔明我要啲乜？」明白明白，既然如此就要有兩大元素來滿足這麼多條件──金錢和時間。不過，我們一提到這兩點，J就帶我們遊花園：「其實個客呢啲料好齊嘅，我好快就可以集齊晒……」飛女開始不太耐煩，問：「咁其實你想我哋幾時交貨呢？」J明顯調低聲音，狀似心虛的說：「今天15號……下月1號有貨嗎？可以報個價先得嗎？」在我差點想破口大罵「搞__錯呀，咁少時間點做？」時，冷靜而理智的飛女搶白說：「即係咁，睇吓你幾時齊料，等我睇過先至決定到；咁愈遲收到我哋就愈趕，就要用更多人手處理，自然唔可能平畀你啦……」聽到這裡，J就快速打圓場就收線了。
過了兩天，J用電郵回覆：「其實我個客都想做好啲準備，所以都係唔使咁急住……我哋集齊料，再傾呀！」事後飛女跟我分析：「佢個客都算有啲名，點會想求其做個『書仔』呀？分明就係J心急擦鞋，以為做份嘢話咁易，於是拍心口話做得到。」真的是笑話一場，嬲都無謂。 一男一女兩個資深副刊記者，N年前一齊下海撈散，從此不想再受公司制度束縛。