登富士山最危險的事
之前說過，我們一行九人其實是住在淺草那邊的Airbnb，而由我們那裡自駕開車去富士山吉田線五合目停車場，需要差不多3小時。而因應行程推算，如果我們要中午起步上山，九點前一定要由Airbnb正式開車出發。最後我們9am如期出發，但還是搞到1pm才正式起步；7pm多終於到達山上小屋「白雲莊」梳洗食晚飯，然後9pm-12am補眠3小時，12點半再出發摸黑攻頂，凌晨3點半已經到達山頂，等4:30am日出。早上6點我們開始下山，最後慢慢的走了5小時，11點多才回到起點。
危險在哪？首先在日出之前，山頂超凍，因為地熱早已散了，而晨光未出，加上上面超大風，我們全部人穿不夠，每一秒都想快點下山；另外下山的無盡碎石地獄，我每次給人憶述只能這樣講：「你唔使幻想啲碎石有幾滑喇，你只係幻想，無間斷落樓梯5個鐘頭，你個膝頭哥會點？」而且那種「行極都一樣，行極都未到」的精神虐待也是令人很難受。但……這些是冷是累是辛苦，但沒大危險。危險不在這裡。
最危險的是我們離開富士山，要自駕走！我是全部人之中瞓得最足嗰個，而我瞓咗——足足有兩三個鐘頭！這24小時內，我們上山落山加埋差不多15小時，15小時運動而中間只係瞓咗兩三個鐘。我哋全部人都攰到嘔，除了司機，其他人一上車已經瞓著晒，好似死咗咁。而我當時負責駕駛其中一部車，所以不能睡。
由五合目起步，下一站是30分鐘車程的溫泉。事後，我們三部車的司機都回憶著當時一邊駕駛，差點睡著過幾多次，差點就要炒車。「我記得你架車行咗過對面線少少，之後又立即扭返入去，我就知道你瞓咗。」非常之危險！大家千祈唔好學我哋咁樣睡眠不足，又自駕上山落山，真係會死人。我哋幾個都話，這是我們駕駛歷史中，最接近危險的一次。幸好溫泉只是30分鐘路程，我們幾個洗澡後，就在休息間睡著了。補眠一小時，晚上食飯後還要再開兩小時回東京。