俗語「唔理好醜，只要就手」，如果你真的有此想法和做法，你註定失敗收場。點解我會咁講呢？因為太多男性根本唔知自己鍾意邊類型異性，當然亦包括女性。
日本有婚姻介紹公司進行全國性調查，以「美麗」定「可愛」為主題，採訪過2萬位20至40歲男性，看看他們從那方面為拍拖對象的首要條件。以1萬位男性為計，有超過6,000人認為擇偶條件是以「可愛」為先，因為美麗可以後天「加工」，可愛是性格引發，所以來得更加珍貴。可愛女性為何比美女更受歡迎？試想像，作為男人，一定想擁有一位經常可逗你開心，一舉一動也會帶點傻氣令你發笑的可愛女友，再加上聚會中朋友大讚你女友親切可愛，你必然由心裡「唧」一聲笑出來，覺得自己好鬼幸福。當愈來愈多手機App都可以令人靚上加靚的時候，「美麗」兩字便來得更加普通了。
女性又鍾情可愛多點或是美麗多點？以1萬位女性計算，超過5,500人鍾意可愛多過美麗，有點意料之外吧，其實也是一字咁淺，就是有錢我就可以變美麗，但有錢變不到可愛，就算叻到可假裝出來，有日總會被識破。至於男女雙方最希望另一半擁有的基本條件，就是屋企整潔、多吃蔬菜、忍耐力強、交遊廣闊及多看新聞。