雖然「在錯的時間遇上對的人」這樣的開場白聽起來非常浪漫，而且應該會係個好好嘅電影橋段。可惜在現實生活中我並唔受呢一套。
不如講個故事俾大家聽：一個四十出頭嘅已婚男人嘅妻子剛為佢生咗第一胎，偏偏在呢個時候佢搭上咗公司新來嘅年輕實習生。當然，好快佢哋就發生咗關係，後生女亦情不自禁愈來愈投入呢段感情。有一日佢哋激情完畢後，後生女忍唔住開口要求男人離婚，俾個名份自己。已婚男人一手叼住支事後煙，一手摸住後生女光滑嘅臉龐，只說了一句：「如果早十年認識你，你說有多好。」顯然已婚男人並沒有離婚嘅打算。後生女聽完之後覺得好冧，於是又再喜歡他多一些。
唔係要鼓勵人拋妻棄子，我亦絕不同意故事中男女主角嘅行為。可是在呢個時代科技咁發達，其實真的沒有所謂的相逢恨晚。
一個對的人，就是會在對的時間出現，因為他為了你會將一切「不對的」都變成「對的」。在另一個平行時空，故事入面嘅已婚男人會感謝後生女在對的時間出現，拯救他離開一段再沒有感情的婚姻。女方因而慶幸自己出現得合時，來得及在自己花樣年華遇上一生中最愛。最後男人同老婆離婚，然後二人找方法開展新生活。
如果一個人告訴你，你是對的人但在錯的時間出現，那極大可能只是個藉口。他又不是Benjamin Button，又不是《不能說的秘密》裡面嘅周杰倫，憑甚麼怪罪給時間？有些話再浪漫再動人，還是把它當作電影故事—聽聽就算了。
一名乾物女，過氣空姐，為愛由北區移居到北歐多年。熱愛地球同時喜歡講粗口，志願是能夠與動物溝通。