每年從農曆大除夕前夕到年十五一段日子，總會有很多不同的飯局，有送舊亦有迎新，會有吃得挺富豐的，亦有不少奉上很多小手信……說到底，我倆總覺得這是一個「使錢行動」：三月底前用去這些預算，等到四月「重新做人」，計數攞budget時就有理據不能縮皮太多，這些都是很多公司、公共機構甚至政府常用的tricks，不過怎樣才算是用得其所又可以惠澤受邀請的對象，其實也是一門學問。
今天跟行家午膳吹水，N小姐跟我呻：「噚日真係嘥晒我啲時間……年尾流流好多嘢做嘛！」原來是某政府部門旗下一個支部，為了推廣一些他們支持的本地行業，特地廣邀各大媒體的記者、編輯出席一個傳媒午宴，席間更邀請了一位星級教育界人士分享經驗。我一聽到星級教育界人士的名字就知道一定會吸引到不少記者出席，但一看地點我就滿腦子問號了，因為是一所新派中式食肆，這家食肆我們都算是熟客，很清楚它的面積有幾細小，怎樣可以做到presentation呢？N完全同意：「咪就係囉，嗰度又細又迫，然後我哋又唔係包場，只係得嗰兩圍枱，窄到連影相都成問題；跟住嗰個支部又有一批產品要介紹畀我哋睇，但因為冇位set一個專區擺放，就要我哋一邊食飯一邊傳來傳去咁睇……幾驚滴咗啲餸汁落件產品度呀！」不過更荒謬的事，是支部的PR問大班記者會準備如何出稿時，大家都竊竊私語：「喂，個推廣喺外國進行，我係親子版記者，你叫我點去介紹呀？」「我做財經版，佢哋又畀唔到數據我可以做到啲乜嘢結果……我點交代呀？」「今日星級教育界人士又唔知喺度講乜……都唔知係點寫。」
最後N推敲出一個合理的解釋：「我見支部高層好似吃得好開心，其實可能係佢鍾意嚟呢度食飯，咪搵個excuse前來呢度囉……」唉，聽到這裡，我忽然覺得自己都不知為何要交稅……
