上周說到，三人在麥記接了別人來電，才知道世界上還有他人。商議後，決定離開餐廳，到別處轉轉。至電梯時，阿廣回頭看，不禁輕聲說︰「唔係眼花啊，啲人返晒來了。」再揉了眼睛，卻又空無一人。他沒再說出口，生怕被懷疑神經。仨於附近來回走，碼頭、車站、商場及馬路，平常摩肩接踵之地，今天卻空無一人一狗。Terry仔幽默︰「平常十號風球都有人來睇浪，今日卻清場。」阿廣與老世文並沒理會，轉身走進轉角的便利店。老在冰箱裡隨手拿了可樂；Terry仔隨後走進收銀，從牆架上取下三包「紅萬」，並順牽火機，滿心歡喜的嘻出聲來。阿廣沒拿甚麼，神色凝重抄起報紙，指著報頭︰「係十一月三日的報紙......我清楚記得今日係一號，點解會有後日報紙，而且每一份都係」。「咁奇怪嘅，我手機都係顯示今日係三號。但我肯定今日一號，因為係出糧DAY，我頭先仲查埋銀行有無過數。」老世文語氣堅定的說。
正當眾人滿腹狐疑，老的手機響起，一下子嚇得Terry仔腿軟癱地。
「喂，我係頭先個女仔，我哋到了地鐵站，喺銀行位置。」臨掛線時，帶點神經質說︰「唔好意思，你哋......係咪真係人？」。(待續)
