上周說到，藍紅頭講到自己與老死「煙囪」一起成了「道友」，每天不是咳藥水就是丸仔度日。他與學生仔用了不到三分鐘時間，就吃光桌面上所有。原來學生仔還開口點「紅豆冰」，但被他「大佬」藍紅頭抽怒瞄了一眼，便把話吞回去肚子裡。我忍不住問道︰「後來你跟煙囪點樣了？」「你話煙囪？佢都落埋來了，只係遲我個幾月，佢係廁所沖沖下涼突然仆喺個屎塔上，後腦爆到一地到係。前幾日喺旺角見到佢，仲有嘢流出來。」
藍紅頭吸了一口凍檸茶，繼續說︰「至於我原來唔使咁早埋單㗎。我死咗之後問過朋友，我起碼仲有30年命，只係上年真係黑仔，撞正個搵替身嘅，至會提早埋單計數。」但對死亡的詳情，他卻始終借故拉開話題。據學生仔事後偷偷跟我講，藍紅頭在22歲以後的人生，就在吸毒中度過，成了家人眼中的「老鼠」，避之則吉。某天他往醫院取「橙汁」頂癮，遇上早前跟他借錢的另一毒梟「B少」。因為身上連「釘」都還不上，被象徵性打了兩拳作警告，卻沒叫半聲便一命嗚呼。他始終不承認這樣窩囊死，而寧願借口被「搵替身」。
說到這裡，茶餐廳突然有人推門進來，是個穿著紅色裙子+紅色高跟鞋+紅色裙子披肩的一位中年女性，走路姿態顯得雍容，但是滿臉愁容。(待續)
