旅遊達人項明生(James，中)為香港開電視製作及做主持的《明治憑甚麼》旅遊節目，由於口碑及收視俱佳，該台昨日特別安排由有線寬頻通訊有限公司營運總裁梁淑儀(Irene，左)及香港開電視執行董事李祥寶(Fiona，右)，頒咗個「深度旅遊王」獎項俾佢，James顯得非常雀躍，話係佢從事演藝事業以來首個獎項，並讚賞香港開電視願意花長時間製作深度旅遊節目。佢更要多謝該台創作總監王喜的賞識，以及嘉賓陶傑的協助。
James呢個節目遊走日本18個城市，趁明治維新150周年，探索日本人由武士蛻變成紳士的歷史痕跡，早前仲因此吸引到日本NHK電視台來港採訪。整輯節目仲有兩集未播，在此祝其收視再創高峰。至於之後大計，James話籌備緊有關「明日世遺」的深度旅遊節目，即搶先走訪可能成為下一批世界文化遺產的地方，大家且拭目以待。