馬時亨、馬會、品格教育，三者有何關係？港鐵公司主席馬時亨呢幾日坐鎮西九站，但昨日佢忽然轉場，出現九龍灣，出席『賽馬會「品格傳城」計劃-2018香港品格』開幕禮，原來呢個活動搞手係佢囡囡，做父親嘅自然要百忙中抽時間去捧場，加上佢身為教育大學校董會主席，亦係第一屆品格日的大使，出席撐場就順理成章。
品格教育協會創辦人及主席劉馬露明話，今年係第3年搞香港品格日，過去兩年有23萬人參加過品格教育協會的活動，今年更首次獲馬會慈善及信託基金贊助兩年推廣及教育活動。昨日開幕禮亦好多名人到場，圖為(左起)馬時亨、香港賽馬會慈善及社區事務執行總監張亮、品格教育協會創辦人及主席劉馬露明、教育局長楊潤雄、馬太王培琪、民政事務局常秘謝凌潔貞、品格日大使李麗娟及品格教育會董事劉仲恒。