尋找日本居酒屋味道即食牛しま腸

若然你係營養師，又或者你係郁啲就怕肥嘅人士，請你揭去第二頁，事關以下落嚟介紹嘅嘢真係肥到爆！但係又好食到爆！

我真係好掛住日本所有嘢，尤其係居酒屋嗰種氛圍，呷啖啤酒，食下炆牛腸食下枝豆，同店主雞同鴨講，超正！喺香港呢兩年，我不停尋找可以拎返屋企嘅日本屋酒屋味道，終於俾我喺City'super搵到其中一款「牛しま腸」，不得不佩服City'super嘅買手，竟然會引入呢款地道和食醬油牛腸，仲要係日本國產牛大腸，已經炆好晒，只要用熱水浸翻熱就食得，一倒出來醬油味超濃，牛腸夠晒肥，油脂非常飽滿，入口脂香四射，質感風格當然係日式。佢哋處理內臟類講求的是帶嚼勁口感，同我哋港式風格炆得腍係另一回事，香港人未必食得慣，而日本人習慣吃一口慢慢嚼來送酒，下酒菜就是如此。