去東京玩，每個人心目中都會有好多必吃店，當中不乏米芝蓮西餐呀築地壽司呀海膽呀六本木鐵板燒呀拉麵呀咁，最緊要夠grand夠難book兼人龍夠長，有人氣吖嘛，放FB、IG都會吸多啲like，而我自己嘅必吃店，只係一間坐路邊嘅串燒，就係上野阿美橫丁火車橋底嘅串燒店文樂，事關近年我多數住上野，每次抵埗之後必定去文樂醫肚，串燒價錢勁親民，一個拼盤都只係800円(5串)，有齊雞肉雞皮雞軟骨雞肝雞棒，仲要係炭燒，另一個炆牛腸(430円)鹹甜適中都好好食，呢兩款都係我必吃item，坐喺街邊呷啖啤酒呼個煙圈，望下隔離枱剛收工嘅上班男女大吃大喝大笑，就係我嘅日本風情畫。
地址：東京都台東区上野6-12-1
營業時間：14:00～23:00