上星期囝囝又放term break，我們約了朋友去位於East Sussex的Rye一日遊，那裏曾是英格蘭重要的港口之一，在中世紀時代是繁榮的漁村，後來經過多年轉型後，成功變身為時尚的觀光小鎭。Rye地方不算大，不過所有景點都集中，最喜歡這裡有很多個性獨立小店，種類繁多，貨品亦很揀手，去過就知好難空手而回。
Rye是本地人喜愛的假日旅遊地點，招牌打卡位High Street及城堡都只是離火車站5分鐘路程，就算不揸車，由倫敦市中心Kings Cross搭火車只需一個小時廿分鐘，以一日遊來講絕對可以接受。筆者和朋友曾到訪過英國其他古色古香小鎮，不過Rye的確與別不同，我們由火車站行往鎮上的城門，已經不停說：「真係靚到呢～～」尤其是有「Rye最美街道」之稱的Mermaid Street，街上仍鋪著大大粒鵝卵石，兩旁是逾六百年歷史的中世紀建築，置身有如穿梭時光隧道回到十四世紀，氣氛優雅又浪漫。其中重建於1420年的The Mermaid Inn，曾被海盜當成據點，至今仍保留都鐸式懷舊建築，有時間不妨來飲返杯。
行完Mermaid Street，建議先行附近的High Street，因不少商店下午三、四點已經開始關門。這𥚃的獨立小店每間都充滿個性，有賣新潮服飾、古典帽子、廚具傢俬、手製瓷器、懷舊糖果、手工麵包等，由櫥窗設計到貨品選擇都富心思，筆者覺得比旅遊熱點Brighton的商店更精緻揀手，就算window shopping都叫人睇得開心。我們有付費入去行Rye Castle，不過城堡頗細，一個鐘已行完，在周邊行下都可以。喜歡沙灘的話，可以搭巴士約20分鐘到Camber Sands，它是英國其中一個出名水清沙幼的沙灘，不少人來曬日光浴，亦是衝浪和滑翔傘的熱門地方，食完午餐後不妨來hea下。
Rye 資料查詢：http://www.ryeguide.co.uk/