港交所的股價走勢有明顯領先大市情況。(資料圖片)
港股用4個星期時間升了差不多3,700點，見各路KOL開始爭論幾時會見頂。多數會見到這幾派講法。1)RSI已經超過85，差不多見頂了；2)升市莫估頂，無謂做淡；3)目標價已到，先食為敬，再想想會否做淡。
當然，不單KOL或財星，其實我見大部分小股民都係上面3類睇法，比較少人會嘗試設立新的指標去量度幾時會見頂。上一次文章有提到其實市寬可以預視到，但實際上市寬都係一個大概目標，我又未見過市場上有人用市寬建立到一個可以持續盈利的量化策略。
今日同大家分享過一個比較少人提到的指標就係港交所(388)，港交所最有趣的地方就係本身與港股市場相關系數幾高，亦都係香港市場的標誌性股份，基本上如果外資大戶有走錢或資金流入的情況，港交所好多時都會係第一隻有反應。所以，如果港交所的股價連續幾日或一個星期跑輸港股的話，好大機會代表資金已經慢慢流走，後續港股亦都不容樂觀 ; 相反，如果港交所一段時間的股價走勢仍然領先市場的話，大市亦很難會有大跌情況。如果用過去5年的數據計算，你會見到港交所的股價走勢有明顯領先大市的情況，所以今次「牛市」幾時見頂，不妨隔幾日就望一望港交所的股價。