楊協成飲維他奶？

上世紀七十年代有「置地飲牛奶」，廿一世紀的今天就有「楊協成飲維他奶」。等了足足半個世紀，歷史才再重演，惟總不會一模一樣。香港股民也許長期被宰割，慣了損手爛腳，部分出現了驚恐症候群，升又驚青，跌又騰雞，對市場失去了信任，更遑論奢望自己有生之年可戰勝市場，更多已成驚弓之鳥。股價一旦突然爆升，都會被陰謀論批判為股東減持先兆？

股民多單邊思維

食花生者多，懂得分析形勢者卻欠奉，唔知頭唔知路者最愛各自解讀，錯判形勢偷換概念比比皆是，單邊思維只係記得單一事件，對上市公司經營面貌卻明顯漠不關心，立場先行。記得我哋早幾年股價由16蚊炒到上四十幾蚊。反而係6年前有報章財經版大肆報道將內地無厘頭傳聞有網民惡搞潮語順口溜：「維他檸檬茶，爽過吸大麻」令維他奶爆紅，出現搶購潮，殺入最受歡迎外賣飲料十大之列，令股價火上加油，一切均有如劇本情節。

記得大股東唱衰自己股價？

有網民會認為，當年大股東夾埋基金佬去炒高股價，問題係如果上述懷疑係事實，大股東又怎會在業績發布會上唱衰自己股價。還記得嗎？話說直至2019年於公布全年業績時，執行主席羅友禮開宗名義認為之前股價升得太高，並形容為天文股價覺得唔舒服，股價回落才正常。

肯定好戲在後頭

坊間有人會認為早年因楊協成家族內訌成功收購的信和王志祥巴打志達食過番尋味，透過家族辦公室增持自己維他奶，睇準中港市場潛力，然而未買夠一成即獲大肆報道係小題大做，其實熟悉香港股市沿革的股壇老將反而不會水過鴨背視之為小事一樁。無端端有人密密從市場吸納至持股超過5%，即已到達須申報水平擺到明打草驚蛇，意欲何為明眼人不難想像，到今天更已超越一成股權，肯定好戲在後頭。