虛擬貨幣早前表現大幅波動。 (資料圖片)
(音樂起：登登登凳……或許黄金，真的太吸引，耀眼出了神。或許黄金，催生了黑暗……犧牲了幾多人？城裡暗巷，仍有某位在奔波，Woowo oh……)
(字幕：本文純屬虛構，如有雷同，實屬不幸。)
尖頭仔以前跟經營賭馬貼士網的「成哥」搵食，後來因為「成哥」屢次欺騙別人開始臭名遠播，為開拓新「業務」，於是和之前搞「紐約白銀」起家的堅哥，眼見虛擬幣開始火熱，決定將尖頭仔包裝成為「虛擬幣達人」。
他們開設Facebook專頁推銷虛擬幣知識，並找來一批「媒」來造勢，營造出尖頭仔具知識的形象，並利用過往推銷「紐約白銀」及賭馬貼士招數，例如展出尖頭仔於虛擬幣賺得的現金，並截出系統圖證明自己眼光準確，同時展現其「奢侈」的生活，例如住靚屋、揸靚車，但實際上這些屋、車、現金全部都是由「成哥」及「堅哥」借出，圖和錢全部都是截圖。
雖然這些都是假象，但卻開始引得一批「財迷心竅」的「信眾」加入。當時，虛擬幣持續上升，尖頭仔指點似乎百發百中，like數量愈來愈多，「成哥」及「堅哥」覺得是機會了，於是聯合「堅哥」的金主鄭至誠，開始討論如何收割信眾。
成哥(咬住口煙仔)：「現在尖頭仔Facebook最少有十幾萬個Fans，有咁多水魚，睇下可以點搵返多少。」
堅哥：「都唔使考慮。當然就整個Fans聚會先，聚集下班信眾先，然後就賣些正貨給他們嘆下。」
尖頭仔：「依家班信眾好信我，不如就開個收費班先，然後搞其他。」
至誠(無趣地)：「嗰一千幾百個我有，咁少錢唔好預我。可唔可以搞些有新意少少，give me more surprise. OK？」
堅哥(大大聲唔使驚)：「學人哋咁，賣下礦機先，其實都是一些顯示卡，我想幾千銀搞得掂，一部賣佢十萬啦，然後加超勁宣傳和佣金，引埋『紐約白銀』的同事一齊賣，應該賣到幾千部，執番多少都好，先搵些本錢再繼續做落去。」
成哥：「扣埋之前投落去造勢的千幾萬，都執到幾千萬，四個人分都唔少。但如果未來虛擬幣唔掂，或者有人搵上門，其實我之前搞貼士網都有經驗，我哋其實都照實俾產品人，都無呃人，其實未必上身，但就賺到第一桶金先。」
尖頭仔(肉緊地)：「我會落力拍多些片，盡力營造大家對我眼光奇準的印象。跟我買礦機一定無錯，如果仲係有些麻煩人搞上門，誠哥，你真是要幫幫手呀。」
至誠(磁性聲音)：「我邊度都有人，搞兩三個人濕濕碎。我仲有下一步計劃，我要搞到尖頭仔做到全香港人都識，仲要做埋上市公司主席，做到十大傑出青年……。抱歉，有錢真的可以為所欲為的。」
說罷，眾人奸笑地乾杯。
(故事待續。)