7球的警示
利物浦大勝，沙拿慶梅開二度。
曼聯盛勢下食英超7蛋，聞所未聞，啟示性卻相當強。首先，對上一次有咁大差距比數嘅英超，是去年8月利物浦大炒般尼茅夫9球，之後領隊柏加被炒，再數遠啲，輸大大鑊嗰隊，包括19年及21年都試過淨輸9球的修咸頓，季後都唔使降班，證明冇鬥志都未必會降班。
英超今屆打開兩截，暫時12位水晶宮同包尾般茅只差6分，大家水鬥水但膽正命平；曼聯呢次慘痛經歷，好難出現喺今屆冇風流波踢嘅下游隊身上。歷史會重演？我只相信曼城4.26深夜迎戰阿仙奴最有攻力做得到，大炒反先封王，唔俾面達Sir。相反兵工廠自量，唔咁貪心學做乜冠王，歐霸早早出局，呢班人腳加埋「耶穌」快將復出，咬住啖超強戰意，「偷雞」19年來首度封王英超機會更大。
利物浦做出最強力嘅V型反彈，證明高普未來仍然係哥帥最大對手。球隊成敗，係要經過進程同給予足夠耐性。紅軍回起，紐卡素注定冇咁快入到前四、一個哈利卡尼獨撐嘅熱刺，今屆比上屆機會更抆水。