今晚上演洲際國家盃4強，戲碼相當強勁，由歐洲冠軍葡萄牙對南美盟主智利。葡軍喺今屆洲際盃表現唔錯，分組賽取得2勝1和而首名晉級。上仗佢哋以4比0大炒同組魚腩新西蘭，C朗拿度踢到67分鐘被換走，明顯留力今場硬仗，但今仗佢哋有中堅比比停賽，或會令後防出現隱憂。智利上仗表現一般，兩位主力維達爾及阿歷斯山齊士踢足90分鐘，亦只能1比1逼和澳洲，以1勝2和次名晉級。南美國家之前曾5奪洲際盃，智利連奪兩屆美洲國家盃冠軍，以為有望捧埋洲際盃，但係佢哋整體發揮一般無乜冠軍相，今仗遇上葡萄牙，應該凶多吉少。
# ## # # #