如果你是林柏特，你會：
1)打俾夏薩特，笑佢「係唔係唔記得自己已經係皇馬球員，點解出局都咁開心？」
2)打俾Kante，讚佢對兩個入波都好有貢獻
3)乜嘢都唔做。球隊炒咗自己之後好忐忑，唔知應唔應該因為車仔捧盃而高興。
殘酷的是，自從改聘杜曹後，車路士的戰績有非常明顯的改善，歐聯和足總盃均殺入決賽，而且足總盃四強淘汰的，正是歐聯的對手曼城。杜曹將車路士變為戰術更靈活的球隊，雖然我認為有一段時間太倚重美臣蒙特，但年輕球員的確更有「火」，而且漸漸成為車仔不可或缺的成員。但要數最開心的人物，一定是杜曹。慘被PSG「用完即棄」後，在外界不太看好的情況下接手車路士，到現在殺入兩個盃賽決賽，老實講Tuchel只要捧起其中一隻盃已經足夠一吐烏氣。
至於哥迪奧拿呢，就最想攞歐聯，今季足總盃被車仔踢出局，如果歐聯再失利，一對新嘅領隊冤家可能又誕生。今個禮拜六，兩隊再度於聯賽碰頭，不過應該都不會用「真力」，到底車仔機動勝一籌，還是曼城無鋒扳回一城，五月底的全英歐聯決賽才有分曉。