姜濤在東華的抗疫騷獻聲。
姜濤人氣之高，不用置疑，而他的粉絲「姜糖」過去多次不惜大灑金錢，用銀彈政策為搏偶像一笑。如上月姜濤21歲生日，姜糖們在銅鑼灣的怡和街電車站廣告板、高士威道巴士站廣告牌，以及港鐵站燈箱及巴士車身賣廣告，作為送給偶像的生日禮物。
上月姜糖為慶祝偶像生日，大灑金錢，賣廣告到韓國。(網上圖片)
銅鑼灣的電車站見到姜糖的厚禮。(網上圖片)
就連巴士車身都有，犀利！(網上圖片)
最近商台DJ麻利在IG限時動態出PO，內容指時下藝人都出現咬字唔正問題，她認為藝人影響住下一代人，希望他們可以好好學習咬字。不過，麻利這則帖文就惹來姜糖批評，她坦言整天收到姜糖們的訊息，當中有不少沒禮貌的留言。她在IG載了其中一位姜糖的留言，並逐一駁斥對方的指控，並謂︰「個問題係你哋唔講，我都未走去專登聽首歌，會唔會係你哋知道偶像有懶音，全部走嚟對號入座，然後我係一個講出呢個現象嘅人，就係我唔啱？」
從麻利的截圖看到，該名姜糖寫道︰「你知唔知佢已經好努力，進步咗好多？你都識講佢係新人啦！俾啲體諒唔得嘅！不過我哋fan base夠強大！今晚東華我哋係鑽石贊助人，你行過銅鑼灣就會見到一連串所有大電視同佢嘅廣告！佢唔需要唱歌咬字正都可以好紅！唔該唔好再單打佢~濤濤只係一個小朋友！」
麻利一個PO，令姜糖對號入座，留言予麻利，為偶像護航。
有網民在討論區開po，對於姜糖的留言大感驚訝，直言「姜生都已經21歲，成人身分證都攞埋㗎啦！佢都應該唔係一個小朋友啦」、「人哋都係只不過善意提醒緊一啲新一代嘅歌手應該留意吓咬字嘅問題，你班師奶就走曬出黎鬧人，覺得人哋嘅世界淨係圍住你偶像轉，真係唔好咁肉酸啦X你。」更直言做善事目的是助人，不是用來曬命，認為姜糖以「鑽石贊助人」自局，感到好笑。
麻利沒有指明是姜濤。
麻利逐點駁斥。
麻利IG限時動態。
麻利IG限時動態。
【立即參加】送香港迪士尼樂園一日門票！
