二手樓成交｜買家鍾情峻弦！見一房減價即以733.8萬快速承接
二手氣氛未見好轉，個別業主願擴大議價空間，有買家把握機會入市。利嘉閣高級聯席董事鮑允中表示，牛池灣峻弦錄得本月首宗成交，單位為6座高層D室，實用面積約425方呎，一房間隔，望飛鵝山景，以733.8萬元易手，呎價約17,266元。
鮑允中透露，客人半年前睇過對峻弦後情有獨鍾，最近於利嘉閣「真盤源」見到單位減價，故相約代理睇樓，單位原業主由770萬元，願減價36.2萬元或約4.7%成交，由買家睇樓到議價簽約時間只是數天內。從代理提供單位相片可見，客廳及浴室保養不俗，外望開揚飛鵝山景。
原業主於2010年3月以406.6萬元買入單位，持貨至今售出，帳面獲利327.2萬元或約80%離場。
鮑允中補充，峻弦暫時有約90個放盤，最低叫價720萬元起。
🎁 amJetso送全新Tempo掛牆式廚紙，立即開APP玩👇 👇
