荃灣綠楊新邨兩房內園優質盤，獲同區租客以608萬元承接。
近期一手市場新盤劈價大賣，令二手樓業主要加大減幅，甚至劈價吸引買家。中原地產荃灣南豐第一分行高級分區營業經理王壹鳴表示，新近促成荃灣綠楊新邨C座低層6室成交，單位實用面積445方呎，屬兩房間隔，為屋苑望內園優質戶。單位出租多年，今年2月業主決定換貨，開價680萬元放盤，有感單位優質，不太願意減價，直至年中見交投呆滯，才調低叫價至638 萬元，惟近期新盤接連劈價低開，二手樓不敵平價全新盤，終需一減再減，累減72萬元或11%，最後以608萬元沽出，折合實用呎價13,663元。
買家睇樓兩日即扑鎚 原業主帳賺580萬
王壹鳴指，新買家為同區租客，租樓多年，眼見新盤劈價，銷情𣈱旺，二手交投則淡靜，於是趁勢鋤價，見上址屬優質戶，減幅亦吸引，睇樓不足兩天便拍板承接。而原業主於1984年僅以28.53萬元入市單位，39年間升價579.47萬元或20倍。
立即更新/下載AM730手機APP 體驗升級功能
