單位享汀九橋海景，景觀吸引。(代理提供)
撤辣後樓市隨即進入亢奮期，惟近期市況持續回落，有持貨僅一年半的二手樓業主選擇提早退場。中原地產荃灣西站第二分行B組高級分區營業經理林恩信表示，新盤持續低開搶客，二手市場交投受挫，部分業主加大減價幅度，以加速沽貨。
該分行新近促成荃灣海之戀‧愛炫美5A座中層A室成交，單位實用面積1,163方呎，屬四房套戶間隔，外望汀九橋海景，景觀優質。單位上月叫價2,300萬元，業主於本月初調低至2,280萬元放盤，日前獲買家洽購，並進一步減價80萬元，最終以2,200萬元成交，平均實用呎價18,916元。
趁撤辣及息口見頂 換樓客睇樓半年入市
林恩信指，新買家為同區家庭客，去年底已開始出動睇樓，一直留意上述同類優質單位放盤情況，見上址放盤叫價合理，加上罕有放盤，睇樓後立即還價洽購。經一輪議價後，業主態度軟化，肯大幅減價，買家亦受樓市全面撤辣及息口見頂等因素推動，覺得要趁平入市，見上址減價後，價錢比市價低約4%，考慮不久即拍板購入作新居。據了解，原業主於2023年1月才以2,200萬元買入單位，持貨約1年半，帳面平手沽出，惟需蝕使費離場。
amJetso 🎁送馬哥孛羅酒店賀年糕點 按此參加👉
