2022-02-10 23:00:00

樓市故事｜業主移民！減價68萬沽綠悠雅苑罕有三房

新冠肺炎疫情不斷擴散，買家睇樓意欲驟降，部分業主亦謝絕睇樓。中原地產青衣城分行高級區域營業經理陳輝麟表示，青衣區睇樓量相比上月大跌50%，部分之前已睇樓的買家嘗試壓價10%，惟與業主意願存大差距，故本月成交比較淡靜，暫只錄得9宗二手成交。

陳輝麟稱，綠悠雅苑3座高層F室，實用面積約696方呎，三房套房間隔，享開揚景致。綠表市場開價938萬元，原業主已移民，最終累減68萬元或約7.2%，以870萬元沽出，實用呎價約12,500元。買家為家庭客，睇樓已一段時間，鍾情綠悠雅苑三房戶，但此類單位只佔全屋苑約7%，供應極少，業主叫價亦較硬淨，見上址屬罕有高層放盤，業主最近亦肯讓步減價，故決定承接。