租客睇好減息後樓市見底回升，近日趁樓價回升前斥750萬元入市青衣盈翠半島兩房。
現時市況供抵過租，吸引租客趁機入市做業主。中原地產青衣盈翠半島分行經理唐偉峯表示，聯儲局釋出強烈減息訊號，市場普遍預計下月啟動減息，息口即將回落，樓市有望止跌回升，近日市場氣氛改善，睇樓多時的買家陸續加快決定，趁低位偷步入市。
放賣一年 累減112萬
唐偉峯續指，分行新近促成青衣指標屋苑盈翠半島9座高層G室成交，單位實用面積520方呎，屬兩房間隔。單位放盤已一年，去年8月最初開價862萬元，今年4月減至800萬元，本月再減至758萬元，近日獲買家洽購，議價後以750萬元成交，平均實用呎價14,423元，累減達112萬元或13%。
租客睇樓半年 減息前偷步入市
他指出，新買家為外區租客，睇樓半年，近日有意趁平入市，心儀上址景觀開揚，又可住近家人，近日見美國釋出強烈減息訊號，料減息後本港樓市將見底回升，所以偷步入市。據了解，原業主於1998年8月262.8萬元買入該單位，現轉手帳面獲利487.2萬元，單位26年間升值約1.9倍。
即睇青衣盈翠半島放盤(HOUSE730)
立即更新/下載AM730手機APP 體驗升級功能
