50歲武打明星鄒兆龍，因周星馳電影《九品芝麻官》嘅奸角「常威」爆紅，佢同名模港姐翁慧德結婚18年，恩愛甜蜜，兩人育有一對孖仔及一個女。近日佢被一名女子喺微博帳號「鄒兆龍出軌記錄」公開同鄒兆龍語音，仲有多張摸腿相，喺網上引起討論。該女子話，被鄒嘅甜言蜜語力追，更灌醉佢發生性關係，鄒又幫佢洗底褲，又話會離婚。
該女子話，鄒經常同佢訴苦，表示生咗細女後，有6、7年同老婆冇性生活，一直傾緊離婚。佢又爆鄒唔只有小三，仲有小四、小五、小六。佢話將之公諸於世，係為咗揭露鄒嘅真面目，並非為錢。鄒嘅經紀人亦喺微博回應，指爆料為不實言論，並已交俾警方同律師處理，「這樣一個有心機的女人，不配我理她，我不想讓這個女人利用龍哥來炒作自己，想紅想瘋了吧」。
入App免費換走健康產品
