小肥親解戴眼鏡之迷。
Elaine大爆當年只准以3個指定甫士拍照。
去年「出櫃」的小肥(徐智勇)和江伊晴(前名江若琳, Elaine)和陳柏宇(Jason)齊齊擔任ViuTV全新節目《歌手 • 門》嘉賓，分享入行辛酸史，以及大爆唱片公司的潛規則。
小肥自爆初次聽《門戶之見》已感同身受，忍不住落淚，他憶述，「其實當年呢首歌係龍世傑同蘇耀光特登寫俾我。大家覺得某種戀愛唔Ok，所以造就咗一啲所謂門當戶對。一個表態、表達點解唔可以大聲講出嚟呢？」他慨嘆性少眾每日都要面對不同的「門戶之見」。
作為性少眾，小肥透露初聽《門戶之見》已感觸落淚。
Elaine模仿當年甫士。
2007年出道的Elaine則重回北角舊居，她透露當年受負面新聞困擾，要靠聽著音樂遊電車河紓緩情緒，「初出道時有好多負面新聞，試過被誤解到遍體鱗傷。」她最心痛是連累家人，要父母為自己擔心，她續說，「10年之後，屋企人先講返話原來嗰陣屋企樓下因為負面新聞而被貼街招，寫咗好多難聽嘅說話。爸爸媽媽好驚我會見到，所以喺我返屋企之前就會搣哂佢。」
3人又大爆唱片公司的「潛規則」，小肥親解戴眼鏡之迷，全因首次見黃柏高(Paco)見面時「懶斯文」戴眼鏡，從此被規定要以眼鏡look示人。Elaine則指出，當年公司指定影相的3個表情，更即場示範，令全場忍俊不禁。《歌手 • 門》將於明天(11日)起，逢周一至五晚上11時播出。
入App免費換走健康產品
