出道不足個半月的女團COLLAR，繼成為寶礦力首隊港區代言女團後，亦獲KFC選中代言最新「爆脆雞」，並於今日推出宣傳廣告片，八位女團成員型爆登場，展示食脆雞的不同美態，既有期待、狂野、性感、可愛等，廣告以女聲說「Crispy、Tasty, Yummy, lovely」作背景，最後由隊長Gao介紹全新產品，不少網民大讚COLLAR令品牌形象年輕化。不過亦有網民搞笑地代經理人Wing留言：「拿D炸雞咬好喇唔好吞。Candy快lur番出黎」。
昨晚(20日)經理人阿Wing就在IG的限時動態出Po，上載COLLAR幾位成員的對話，其中阿Day就問：「我哋買kfc有無優惠架？」Ivy以老鼠O嘴的公仔回應，並說：「牙Wing應該會要求kfc嗰邊，見到我哋買的話要加價」，Wing就回應：「你好叻！」大讚Ivy猜中其心意。而Winka就較為關注贈品，「我想要貼紙，一張就好。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
