Do姐評拍檔假髮，迪偉(中)最好，傑朱ok，余德丞似浴帽。
商台昨晚舉行六十五周年台慶，鄭裕玲(Do姐)罕有出席，大合照後與同事傾幾句就走。她今日在電台節目《口水多過浪花》表示，好多年沒有出席商台台慶。「實不相瞞，我好鍾意大合照，覺得值得留念。除咗一、二台仝人合照，仲有二台DJ。7點就影相，呢個簡直啱晒我『河車』。最慘就話嗰啲食晒先嚟合照，尋晚7點就影。」余迪偉就話：「保住你起碼9點上床瞓覺。」Do姐話：「仲可以煲多一集(劇)。」
Do姐今日大談出席商台台慶感受。
Do姐訪問《中年好聲音》冠軍周吉佩。
評男拍檔假髮
商台台慶大搞假髮派對，Do姐就評價3位男拍檔的假髮造型。她表示余迪偉最好，余德丞似戴浴帽。「淺色髮唔適合余德丞。」德丞回應：「講真話冇咩所謂，我唔驚得罪你，保持住呢個髮色就ok。」Do就話開心見到傑朱的「未來外母」林珊珊，因為他正與珊珊女兒李澄拍拖。
amJetso 送BIODERMA救星小紅瓶🩷護膚恩物 立即按此參加👇
