劉威煌昨晚演出超水準。
《中年好聲音2》14強名單正式誕生，分別是(排名不分先後)鄭梓浩、陳俞霏、陳蒨葶、王玥、林若盈、安雅希、顏米羔、沈宗賢、陳燕娜、古淖文、劉可、黃劍文、劉威煌和譚輝智。
昨晚另一亮眼組合，就是《中1》的林鉫徫，與劉威煌合體演唱陳奕迅的《今日》，表現超水準，兩位靚聲王一唱一和默契十足，林鉫徫事後笑言：「細細個就聽佢(劉威煌)嘅歌，覺得我同佢把聲好夾，同埋大家識咗好耐，終於有機會合作！」
得到林鉫徫助力，劉威煌首次突破90分。
最終二人獲得90分高分，陳慧嫻說：「威煌愈唱愈強呀，你哋兩個好有火花、好夾，聽得好感動同埋好開心。」張佳添則說：「你哋嗰種夾，我會形容為麵包搽牛油，實在太不可分割！」
陳慧嫻指劉威煌愈唱愈強。
張佳添評兩人夾到好似麵包搽牛油咁，非常匹配。
🎁 amJetso請你睇《焚城》，快Ｄ開APP玩👇 👇
