劉洋今次獻唱《我最親愛的》反應兩極。
星期日晚播出的一集《中年好聲音3》，主題為「偶像之歌」，剩下的上、下弦參賽者及演出歌單如下，上弦有劉洋《我最親愛的》、張與辰《怎樣》、善玥澄《存．不存在》、占士丁丁《You Raise Me Up》；下弦有羅逸軒《空凳》、阮慧珊《開到荼蘼》、王鄭浚仁《Take On Me》及趙浚承《玉蝴蝶》。
向來是頂頭熱門之一的劉洋，這次超深情獻唱《我最親愛的》竟惹來兩極反應，正評的有肥媽：「完全係接收到佢嗰種問候人嘅感覺，我真係直情入咗你個心入面。」東東亦有好評：「劉洋好犀利，佢無論唱功同埋感情嘅投遞都非常厲害。」
對劉洋略帶批評的，則有張佳添：「你曝露咗少少弱點，假音唔係你最強嘅地方。」以及周國豐：「呢首歌你太用力，劉洋呢個版本就我而言可以再溫婉啲，如果你做埋呢個部分，咁我覺得個分就可以推到好高。」
今集出名要求高的周國豐，成了「評語MVP」，給出大量抵死啜核Comment，例如點評羅逸軒獻唱的《空凳》時，他竟以粵語長片來形容，相當爆笑。周國豐：「成首歌好似睇緊部粵語殘片個男主角要嘔血咁樣，你嘅感情係幾真摯，但慢鏡又點樣真摯呢？」
立即更新/下載AM730手機APP 體驗升級功能
