林日曦宣布計劃於5月演出舞台劇，明天(6日)起接受「癲喪式『乜都唔L知優先訂飛』」。
「腦細」林日曦繼去年的《大MK日》後，在表演場地還未正式重開的疫下日子，以「久違了的癲喪式『乜都唔L知優先訂飛』歸來了」為題，宣布將於今年內演出全新舞台劇，但事先聲明「唔知日期 唔知時間 唔知地點 唔知劇目 唔知演員 唔知做乜」，並強調要回歸初心，「雖然而家搞演出必定困難重重，但人生苦短嘛，唔諗了，少人都搞住先。」
主供核心內圍癲仔
林日曦回想，如此癲喪的零資料訂飛，僅只一次，就是在2018年搞的「人類史上最早優先訂飛」活動，他表示，「甚麼資料也沒有，預早一年叫大家盲目訂飛，估唔到有咁多人陪我癲，最後成就了2019年尾舉行的我的首次talk show《悲但真》。」他續稱，雖然後來也為舞台劇《大MK日》搞過盲目優先訂飛活動，但當時有提供劇名，令訂飛的人數太多，未能做到只供核心內圍癲仔參與，故今次回歸初心「乜都唔L知」，並強調「舞台劇劇本我已經寫好，綵排亦都喺屋企進行中，只等你哋又再一齊癲。」
為期3日優先訂票
林日曦有感而發，「事隔幾年，個世界唔同晒。有些人離開咗呢度，有些人入唔到劇院。相比起第一次，雖然今次可能少咗啲人嚟，雖然而家搞演出必定困難重重，但人生苦短嘛，唔諗了，少人都搞住先。」他呼籲仍想入場的觀眾，可於明早(6日)10時至周五(7日)晚上11時期間，於Lam1Hey.com登記訂飛，他保證說，「唔使同人爭，一定訂到飛(98%)。（除非個數去到我冇可能訂到咁多場，但基本上唔會發生）演出會盡量喺五月份舉行，但萬一book唔到場，一年內我都一定找數，否則退款。」最後重申，「但係講明先：我乜都唔知。」
amJetso 送BIODERMA救星小紅瓶🩷護膚恩物 立即按此參加👇
