2024-11-29 19:00:54

吳文忻赴泰國打疫苗透露腫瘤有「變大又變硬」情況

吳文忻早前在網上表示自己乳癌復發，確診為第三期，更擴散至淋巴。一直樂觀面對的她早前到泰國接受細胞治療。日前，她就拍片分享赴泰國第一次注射「TTV腫瘤疫苗」，並透露腫瘤近日有「變返大又變硬」的情況。

吳文忻日前赴泰國打疫苗，她在社交網分享短片，片中見她頭戴cap帽假髮，身穿桃紅色上衣，精神不俗，她先向大家解釋疫苗的作用：「TTV腫瘤疫苗就係一個激活T細胞去打癌細胞嘅一個種類疫苗，據聞話呢個可以追擊嗰啲癌細胞之餘，亦都可以防返發，同埋已經畀定咗心理準備我喇！打完之後係會發燒同埋係會周身骨痛，成日都會好冤痛咁。」

她續說早前發現腫瘤變大兼變硬：「之前都有啲擔心嘅，因為我之前摸落去個胸，個腫瘤我感覺到好似又大返同埋硬返，頭先嚟到check過，佢哋話，有可能因為嗰個瘤就算裡面冇晒cancer，都有個纖維瘤喺裡面，再加上我之前都做過手術有個疤痕喺裡面，所以有機會係個纖維瘤變硬，噚日先check過個癌指數係一路降低緊，即刻安心晒。」其後，吳文忻分享臥床打針的情況，她就表示不算太痛，表現積極樂觀，網民都留言為她送上正能量。