MIRROR日前成為抗疫大使，12子除拍了抗疫宣傳短片外，更會一連4個星期五開直播跟大家見面。昨晚打頭陣的有姜濤、Lokman(楊樂文）以及Stanley（邱士縉），直播高峰期更吸引近3.5萬人收看，相當厲害。直播期間，姜濤不時撥頭髮、嘟嘴，心情大靚，更攬住張被同大家傾偈，非常可愛。
隊長Lokman 在直播感謝醫護人員的付出，又為他們打氣：「希望你哋繼續加油，繼續比心機，相信好多人喺背後默默為你哋打氣。」
三人又分享近排自己在家的活動，Lokman和姜濤透露近來都是叫外賣為主，Lokman坦言食到厭，而姜濤則表示： 「自己唔識煮、阿媽有潔癖又唔鍾意煮飯。」Stanley即笑言這是導致姜濤易肥的原因。
接着，姜濤又不忘為隊友宣傳新歌，表示:「頭先啱啱睇完Anson Lo MV。」，並大讚歌曲和MV好正，而Stanley同時亦大讚Jeremy（李駿傑）的《半》。至於姜濤自己幾時會出新歌？ 他坦言近排忙於拍劇，雖然未有時間，但對新歌已有構思，他又表示有時間就會翻看MIRROR各人的表演，參考大家的小動作。
另外，姜濤與Stanley 近日忙於拍攝新劇集《季前賽》，日前他在社交網上載了與戲中小妹妹的交流片段，Stanley更大爆原來姜濤經常與小妹妹玩：「佢好想生女，有啲父愛，所以會係咁撩我個女。」
Stanley又繼續爆料，指拍攝期間，他與Edan(呂爵安)及Ian(陳卓賢）都食唔停口，反而姜濤就相當忍口。不過姜濤立即自爆︰「前幾天拍完最後一場，我喺快餐店炒薯條嘅戲份後，由於第二日放假，我將炒完嘅薯條全部食晒，啲工作人員都好震驚，因為第一次見我喺劇組食嘢。」
Stanley又透露開工時，未埋位就會與姜濤打籃球，笑言有次被導演收起籃球。他又透露日前拍攝期間食完燒賣，導致腸胃炎，以為自己「中招」：「之後開始發冷，最驚係我發燒，大家開始有啲緊張，即時叫我去睇醫生，醫生話我腸胃炎，但因為發燒，所以都要檢測。」幸好只是虛驚一場。直播尾聲，Lokman提醒大家要做足抗疫措施，3子最後感激醫護人員，同時亦為他們打氣。
姜濤、Lokman及Stanley昨晚打頭陣開live。
amJetso 送BIODERMA救星小紅瓶🩷護膚恩物 立即按此參加👇
