姜濤赴美拍攝電影《我的天堂城市》海報曝光。
姜濤去年中曾遠赴美國紐約參與電影《我的天堂城市》拍攝工作，電影公司尋日發佈《我》片嘅海報，預計今年內公映。
電影獲台北市電影委員會（影委會）投資拍攝，姜濤所屬公司Makerville亦係出品方之一。影委會去年已經公布姜濤參演《我的天堂城市》，同片仲有《我的少女時代》嘅宋芸樺、魏蔓、姚淳耀，以及而家用返真名李嘉文嘅前100毛主播「黃慘盈」。
角色要求演員講流利國語
根據影委會介紹，電影講述三組喺紐約生活嘅台灣人故事，現時已知宋芸樺會飾演赴美求學嘅台灣留學生，會兼職做中英文翻譯員。
暫時官方未公布姜濤所演角色，但有fans搵到電影早前選角通告，其中一個主角係21至25歲，喺紐約留學時感到學業壓力同生活空虛，因緣際會下接觸到街舞，並且同一位舞者Lulu有感情線。呢個角色要求演員講流利國語，而且有跳舞經驗，睇落好大機會係姜濤做！
原文刊登於 Yahoo 娛樂圈
立即更新/下載AM730手機APP 體驗升級功能
