李佳芯Ali否認推劇 被問是否離巢TVB先兆：到時先算啦

TVB視后李佳芯（Ali）自去年出街《有種好男人》後就未再有劇集出街，只參與咗幾個綜藝節目拍攝。有傳Ali揀工作所以推劇，李佳芯昨日出席活動時否認，仲話演員身份被動，要等公司安排並多謝公司給予機會，有唔同新挑戰，Ali回應離巢傳聞，直指到時再算。

李佳芯去年因皮膚問題減少工作

Ali今日出席活動時回應揀工作傳聞，被指近期比較少曝光，笑言「因為真係冇人搵我做嘢」。Ali續指個人比較隨遇而安，仲話演員身份相對被動，自己比較偏向有工作就全力去做。（《企業強人》唔係話開頭有你份？）Ali表示冇聽過，亦冇收過通知，仲話係上年因為身體狀況，皮膚有問題逼不得已先會推Job。Ali仲透露冇劇拍時候多咗人搵佢做主持，亦多謝公司安排唔同新嘗試做綜藝節目，唔會覺得被投閑置散。（有網民問會唔會係離巢先兆）Ali就一臉驚訝：「我都仲有約喺身，到時先算啦！」

感情生活方面，Ali就話中秋節冇人約賞月或睇煙花，仲透露擇偶條件「傾到偈同善良就得」，仲話唔一定要符合身高外型等嘅條件，更加直言遇到啱傾嘅朋友都難，更何況係感情！

原文刊登於 Yahoo 娛樂圈

中秋節習俗和意義｜賞月好去處、月餅推薦與湯圓食譜 一文睇晒

中秋節2023｜6個賞月好去處推薦 九龍嘉頓山、屯門浩和街 露營/野餐/綵燈晚會

中秋節2023｜一個方法令柚子更甜更好吃 附3種切法完美取出果肉

中秋節2023｜水果應否連皮食？果皮營養隨時多過果肉

中秋節2023｜中秋節=煲蠟？！盤點6個昔日中秋常見活動 碌柚燈籠、螢光棒

中秋節2023｜告别傳統！4款特色月餅食譜教學 芋泥芝士月餅、朱古力麻糬月餅

中秋節2023｜奶黃月餅肥過蓮蓉月餅？ 教你點樣健康食月餅

立即更新/下載AM730手機APP 體驗升級功能