Ali為商場聖誕布置主持開幕儀式。
李佳芯(Ali)今日出席迎聖誕揭幕活動，她表示目前正忙於拍攝新劇《有種好男人》，拍到農曆新年前才完工。提到早前她與「蟲草大王」陳恩德(Mark)傳出緋聞，她笑言被緋聞嚇驚自己：「依家每次出街俾人影到就話有嘢，好彩我都少去社交活動。」
Ali揚言希望盡快脫單。
呼籲男生放膽追求
大後天(27日)是Ali39歲生日，她預計會在工作中度過：「本來想生日放假休息，不過擔心冇人陪我食飯就慘，寧願加快拍攝進度，希望有空閒可以歡度聖誕。」問到是否期望明年聖誕脫單，她笑說：「等到下年咁耐？」Ali公開呼籲有誠意的男仔放膽追求她，她笑說：「女仔多數被動，男仔做主動比較好啲，我估有人會鍾意我嘅，可能唔敢行動。」
Ali呼籲各位男士放膽追求她。
「真愛係唔會逃避」
至於會否擔心緋聞嚇怕追求者，Ali卻說：「我覺得真愛係唔會逃避嘅，受得起考驗。」她慨嘆藝人難結識朋友，「傾工作時俾人影到又會引嚟好多揣測，或者要做多啲保護自己嘅工夫，例如叫埋助手一齊去，避免同一架車等。」談到擇偶條件，Ali表示沒有太多前設，大前提是有互相吸引的感覺：「大家願意一齊維繫、成長最緊要。」
相關新聞：
酒店密會蟲草大王 李佳芯︰生意合作來往
演吳偉豪阿媽 李佳芯︰生得佢出
立即更新/下載AM730手機APP 體驗升級功能
