東張西望
TVB資訊節目《東張西望》近年報道唔少社會時事及民生議題等議題，最近佢哋就報道大埔元嶺村嘅過路費糾紛事件，結果引起大眾關注。
李先生收取「過路費」但非業權人
村屋業主陳太太喺2018年購入該單位，當時律師、地產及前業主都冇提及有「過路費」，不過喺入住幾個月後突然被要求收取。於是陳太太翻查地契並得知問佢收取「過路費」嘅李先生根本唔係業權人，所以陳太太一家拒絕付款。
去到2020年，小路不斷被鐵柱及鐵枝等阻路，喺今年1月小路仲被裝上有鎖嘅鐵閘。而《東張西望》女主持李旻芳就意圖採訪涉事嘅李先生，但遭對方拒絕。
《東張西望》李旻芳採訪情況
「溶咗你都仲得呀！」
其後佢就問坐喺附近士多嘅街坊意見，不過估唔到幾位大漢突然出言恐嚇兼用手扯住攝影機，最後需要報警處理。警察到達後只係話係一個爭持狀態，及話：「如果你話係明顯搶嘅舉動，老實講就五十五十啦！呢部你公司財物，你一定需要保護啦！」
之後有男士突然恐嚇話：「細佬，我唔知你邊度，溶咗你都仲得呀！我溶咗你得唔得？」，但警方未有就事件立案，而係拘捕一名因涉刑事毀壞嘅男士，及勸《東張》採訪隊離開現場。
「東張女主持正義得多」
節目出街後，事件隨即引起大眾高度關注，唔少網民仲紛紛留言討論，大讚《東張》勇敢：「東張女主持正義得多！勇者無懼！Proud of you！支持！……除良安暴！治安好呀」、「東張好勇，加油」、「女主持算好勇」、「可以惡到咁,無法無天,支持東張西望」、「今次好波！堅係勇」及「東張西望仝人，全港市民支持您們！！！」等等。
另外，事件亦令網民喺討論區瘋狂討論，例如：「太恐怖！原來香港噤（咁）文明嘅城市都可以噤（咁）無法無天。警察都冇辧法？！」、「阿sir 個處理方式，好笑」、「住村屋都係麻鬼煩」、「咁鬼寸,開佢樣啦,仲幫佢打乜格仔呀」及「個兩個報料肯定比人搞」等等。
原文刊登於 Yahoo 娛樂圈
更多東張女神相關文章
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
