梅媽受訪時直斥兒子70歲人淨係識玩女人。
已故樂壇天后梅艷芳胞兄梅啟明，日前入稟高等法院，指控姪兒梅柏麟每月濫用母親覃美金(梅媽)25萬元生活費，私人看護「鄭姑娘」則迫梅媽登報與他脫離母子關係，故向姪兒申索500萬元，另向鄭姑娘申索300萬元。
梅啟明入稟高院告姪兒與梅媽看護鄭姑娘，反被母親斥責淨係識玩女人。
要梅媽每月固定俾數萬生活費
被梅啟明指遭姪兒及看護禁錮的梅媽，昨晚接受D100節目《娛樂小奶媽》主持潘小文訪問，即時否認遭人軟禁，她中氣十足反問︰「我點解會俾人禁錮呀？佢(梅啟明)想禁錮我就真，所以我避佢，搬到咁遠呀，因為佢成日都追住話『喂，錢呀錢呀錢！』又話一個月要我俾三數萬佢，你叫我點做呀？我都係靠阿梅(梅艷芳)嗰啲咁多做生活費，我又租樓，呢度都兩萬幾蚊租。」
潘小文再次問她有否被姪兒及看護禁錮，或被鎖在屋內或房內，梅媽強調︰「全部冇啲咁嘅事！全部冇啲咁嘅事！唉，佢鍾意點講就點講，我都唔識講。」梅媽又大讚看護鄭姑娘照顧得她好好，搵唔番第二個。對於梅啟明稱其14歲兒子要錢醫病，梅媽揚言︰「我唔信佢，叫佢俾佢個仔我睇吓。佢睇咩醫生，俾醫生紙我睇吓。我盡我自己可能，幫得多少都幫。佢話個仔病，叫我俾錢佢就唔會俾。」
梅媽話梅啟明幾廿歲人淨係識玩女人，所以一毫子都唔會俾佢。
梅媽斥梅啟明不孝四圍玩女人
梅媽又力斥梅啟明不孝︰「佢依家老婆同仔都唔顧，仲四圍去攬女人。唉，我都唔識講，自己生咗咁嘅仔。」梅媽指，梅啟明以前還會工作，但結識到那些女人後就變得頹廢無聊，「幾十歲人仲去搵女人搞搞震，(我)啲錢好辛苦搵㗎，阿梅啲錢係用嚟做生活費㗎，唔係俾你拎出去玩女人㗎！你有錢去玩你嘅事，我每使一毫子都係阿梅嘅辛苦錢。」
梅媽又爆梅啟明四處留情，在美國還有兩個兒子。同時又周圍借錢要她償還。梅媽坦言人生至今最遺憾是見不到梅艷芳最後一面，又慨嘆：「唉！我4個仔女，係呢個最衰，佢以前細個唔係咁，都唔知佢群到咩人變晒……」
amJetso 送BIODERMA救星小紅瓶🩷護膚恩物 立即按此參加👇
