無綫巧遇梅啟明，他揚言會告到底。
梅艷芳胞兄梅啟明入稟法院告電影公司安樂影片製作的電影《梅艷芳》侵權，要求作出賠償。昨日無綫《娛樂頭條》播出梅啟明的訪問，他戴住口罩非常勞氣表示︰「其實講真有呢件事發生時，我已經講咗同俾咗信電影公司，我俾咗三封信電影公司，都冇一個正式回應。網友係度話我做乜人哋開拍嗰陣唔去同人哋交涉，咁人哋拍緊嗰陣都唔知佢拍乜，都未成一件事，咁點告人呀？(有冇諗過同電影公司和解？)講真，依家發生咁嘅情況，我睇佢應該會同我和解，應該同我傾，唔傾都冇計，唔傾就法庭見！」
梅媽不滿梅啟明告電影公司。
無視梅媽最後通牒
對於梅媽反對他告電影公司，鬧他財迷心竅，更揚言會斷絕母子關係，梅啟明說︰「講真吖老人家嘅嘢，佢唔知所謂各方面嘅商標，佢點講就點講。我之前有同佢講過，仲叫埋佢去睇，點知所有嘢都侵犯晒，阿梅就係阿梅，所以梅艷芳就係梅艷芳。」然而，梅媽受訪時稱自己因為在醫院休養，自今仍未有入場觀看電影。
梅啟明認為梅媽不明白侵權。
梅啟明稱有做嘢
梅啟明對網民封他做「遺產界KOL」，他非常激動說︰「我亦都想喺呢個時間出街，俾大家知道，我係咪個唔做嘢嘅人呢？香港我乜都有做，啲人話我行行企企，我做嘢使唔使同全世界交代呀？」
有趣的是，無綫原本是到一個品牌訪問《梅艷芳》女主角王丹妮，沒想過會在街上遇到梅啟明。王丹妮表示自己只是演員，事件已交由電影公司處理，而她會努力做好宣傳。
相關新聞︰
梅艷芳｜梅媽後悔縱容梅啟明 警告不撤訴訟斷絕母子關係
無綫原定採訪王丹妮，沒料到竟然會在街上遇到梅啟明。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
