吳君如昨日出席HPV(人類乳頭狀瘤病毒)疫苗活動，她指女兒陳是知今年14歲，早已向她灌輸性知識，她又開玩笑稱，當自己打聽女兒的戀情時，即被對方女兒白眼對待。
吳君如稱，女兒現在青春期，早已開始向她灌輸性知識：「我會同個女講，你身體還仲未發育完成，唔可以做大人嘅事，而且佢鍾意睇美劇，好易吸收呢方面知識，不過佢仲好純潔啦。(女兒有男朋友囉嗎？)有時佢玩手機，我借故偷睇下，或者開玩笑問佢，係咪同男朋友傾偈，個女就會翻白眼對住我。」
問到以殘奧金牌得主蘇樺偉為題材的新戲《媽媽的神奇小子》何時上映，吳君如指因為奧運而押後上映。
不愛下廚 鍾情外賣
陳是知昨日復課，吳君如指女兒習慣在家上課，早起身上課會很倦，「個女讀國際學校，再過兩個星期就放暑假，都幾頭痛，嚟緊兩個月唔知道點樣打發，因為今年去唔到旅遊。」她笑言這幾個月，是一家人相處得最久，本來很擔心「困獸鬥」，不過反而感情融洽了：「我哋當然會鬧交，不過三個人都會互相忍讓。」吳君如又稱多了下廚，煮一些女兒喜歡的食物，不過自己還是不愛下廚：「有時候叫外賣都幾好。」
入App免費換走健康產品
